BUTUAN CITY – Subay sa pagsugod na karong adlawa sa mga sugal sa Philippine Charity Sweepstakes Office kon PCSO human gitugutan na ni Pangulong Rodrigo Duterte, hugot gihapon nilang gipatuman ang mga health protocols.
Sa eksklusibong pakighinabi sa Bombo Radyo Butuan, gipadayag ni Ghina Jala – administrative officer sa PCSO-Butuan, apil sa mga dulaon ang 6/42; 6/45; 6/49; 6/55; ug ultra lotto nga 6/58 apan kini alang lamang sa mga lugar nga gipa-ilalom sa general community quarantine ug modified general community quarantine.
Sigon sa opisyal, ning mi-aging duha ka semana, mihimo na sila og survey alang sa ipatuman nilang health ug safety protocols sugod karong adlawa.
Gawas sa gi-adapta na natong new normal sa health protocol, ilang gi-obliga ang mga operators ug mga manaya-ay nga magdala og kaugalingon nilang lapis o kaha ball pen aron malikayan ang paggamit niini sa uban.
Gibana-bana ni Jala nga dinhi sa Agusan del Norte, 80-porsiento pa lang sa 55 ka mga agents ang misunod sa ilang health ug safety protocols.
