BUTUAN CITY – Laing upat ka mga kaso ang giduso sa Police Regional Office kon PRO-13 ngadto sa Surigao del Sur Police Provincal Office human gipresenta sa raiding team ang nadakpang grupo nila KAPA founder Joel Apolinario apil na ang mga nakumpiskang ebidensya.
Kini gawas pa sa unang duha ka kasong ilang gi-atubang kansang migawas nga arrest warrants, maoy gigamit nga basehan sa gilusad nga joint law enforcement operations.
Apil sa mga bag-ong kasong gipasaka ang paglapas sa Republic Act 10591 kon Illegal Possession of Firearms and Ammunition ug Republic Act 9516 kon Illegal Possession of Explosives and Incendiary Devices; paglapas sa Art 147 sa Revised Penal Code nga mao ang direct assault upon person in authority tungod sa ilang pagsukol nga miresulta sa binakbakay ingon man paglapas sa Article 147 sa revised Penal Code kon mas nailang illegal assembly o associations tungod sa pagmugna og armadong grupo nga mapruybahan pinaagi sa nakumpiskang daghang mga short ug high-powered firearms apil na ang rocket-propelled grenade ug uban pang mga war materials.
Sigon ni PMajor Renel Serrano, human og itemize sa tanang nakuhang mga ebidensya, gipresenta gilayon sa operating team ang mga dinakpan ug mga nakumpiskang ebidensya ngadto sa huwis sa Cantilan, Surigao del Sur dayong withdraw sa kapulisan sa mga niini rason nga nabalik kanila ang kostudiya sa mga suspek ug sa mga ebidensya.
