BUTUAN CITY – Temporaryong gisira sa Government Services Insurance System kon GSIS-Butuan branch ang ilang buhatan sugod kagahapon sa udto hangtud nga magpagawas na sila og notisya kung kanus-a sila mubalik.
Sigon ni GSIS-Butuan branch manager Jojo de la Cruz, subay kini sa ilang ipahigayong sanitation ug disinfection aron masigurong luwas gikan sa COVID-19 ang ilang mga empleyado ug ilang mga kliyente.
Apan giklaro sa opisyal nga ang ilang temporaryong pagsira, wala magpasabot nga duna na sila’y kaso sa coronavirus kondili kabahin lang kini sa precautionary measures.
Una nang gitin-aw ni de la Cruz nga ang ilang ka-ubanang taga-Butuan nga didto na-assign sa GSIS-Iligan City, wala na makabalik pa sa maong siyudad human na-abtan og lockdown.
Tungod niini, mas gipili na lamang niini ang mag-work from home ug duna’y higayon nga mudalikyat kini sa ilang buhatan.
