BUTUAN CITY – Muabot sa 83 ka mga blood donors ang malampusong nagdonar sa ilang dugo atol sa gipahigayong blood letting activity kansa maoy special edition sa Dugong Bombo sa Bombo Radyo Philippines.
Ang maong aktibidad gipangunahan sa Barangay Council sa Barangay Doongan ning siyudad sa Butuan sa pakig-partner sa Bombo Radyo og Philippine Red Cross lakip na sa City Health Office og Department of Health.
Sa gipahigayon kaganina nga blood letting sa may Covered Court sa Barangay Doongan, gidugok kini sa bulontaryong magpakuha diin ubay-ubay ang mipailalom sa screening sa tinguha nga maka-donar apan muabot lang sa 83 ang malampusong nakuhaan og dugo.
KIni tungod na usab sa nagkalain-laing rason isip pag-amping usab sa panglawas sa nagdonar. Ang mga succesful donors, nakadawat ug bugas ingon man plite gikan sa Barangay Council samtang ang Bombo Radyo dunay token usab nga gihatag pinaagi sa special edition nga Dugong Bombo T-shirt.
Nasayran nga lakip sa mga serbisyung gitunol atol sa maong aktibidad ang medical check-up nga ihatag sa taga City Health Office sa mga mabdos og dental checkup. Sa kabahinan ni Barangay Kapitan Gilbert Enriquez,wala niini damha ang daghang nagpakuha og dugo butang nga iyang gipasalamatan og dako.
