BUTUAN CITY – Nubenta porsiento nang natapos ang konstruksyon sa PCR molecular laboratory ning siyudad ng gipahimutang sa Butuan Medical Center kon BMC annex.
Sa eksklusibong pakighinabi sa Bombo Radyo Butuan, gipadayag ni city councilor Cherry Mae Busa – chairman sa Committee on Health sa Sangguniang Panlungsod, nga anaa na lang karon sa finishing touches sa ground floor ang gitrabaho.
Alayon niini, kampante ang konsehal nga makab-ot ang tinguha sa city government nga hingpit na kining mahimong operational sa tunga-tungang bahin sunod buwan sa Hulyo ilabina nga natapos na ang training sa tulo ka mga bag-ong gi-hire sa city government nga mga med-techs kinsa naghulat na lang nga makompleto na ang ilang gikinahanglang rekisitos sa gi-agi-ang training.
Sila matud pa ang mutabang pag-handle sa nasangpit nga laboratoryo aron hingpit na kining mahimong operational higayong matapos na ang konstruksyon sa maong dakbalay samtang dugangan usab ang makeshift tent sa BMC annex.
