BUTUAN CITY – Nagpagawas na og tamdanan ang kadumalahan ning dakbayan sa Butuan alang sa paglugway pa sa Modified general community quarantine kon MGCQ ug nagpa-ilawom sa 33 niini ka mga urban barangays ngadto sa Modified enhanced community quarantine kon MECQ.
Usa sa mga common nga nakalatid sa 27 ka palid nga Executive Order NO. 36 ang subling paggamit sa color coded home quarantine passes sa tanang residente ning siyudad.
Sa pakighinabi ning sibyahan, gipadayag ni May Diez, tigpamaba sa Butuan City LGU, nga ang tanang lumulupyo sa syudad kinahanglang mugamit og quarantine pass ilawom man sa MECQ ug MGCQ ang ilang barangay, ugaling mugawas sa panimalay sama sa pagpalit og pagkaon, medisina ug uban pang panginhanglanon.
Sumala ni Diez, ang nasangpit nga tamdanan namugna tungod kay na-obserbar nga daghang mga tawo na ang mga naggawas human gipailalom ang syudad sa MGCQ rason nga, i-minus na ang paggawas sa mga tawo aron malikayan ang posibleng pagkaylap sa makalisang nga COVID-19.
Gitin-aw usab sa tigpamaba nga magpabilin ang majority sa mga trabaho hinungdan pwede ra usab makagawas ang mga trabahante bisan unsang adlawa provided nga kanunay nga bitbiton ang work pass uban ang I.D sa kompanya.
Dili usab apektado ang operasyon sa tanang business establishments basta sundon lang ang mga health guidelines.
Gigahin usab ang adlaw nga Domingo alang sa mga persons with disabilities kon PWDs, senior Citezen ug buntis aron makapalit og mga basic necessities.
Ibalik usab ang mga Quarantine Control Points sa matag-barangay aron mas matutukan ug ma-monitor ang lihok sa mga tawong musulod-gawas ingon man ang pagpabilin sa curfew hours nga magsugod sa alas 10 sa gabii hangtod sa alas 4 sa kaadlawon.
Wala’y adaptahong number-coding sa mga traysikel hinungdang ang tanan pwedeng makapasada gawas lang sa mga PUJ’s ug PUV’s nga sundon ang number-coding ilawom sa guidelines sa LTFRB.
Samtang gitinaw usab ni Diez nga liquor ban lamang ug dili total liquor ban ang gipatuman sa tibuok syudad, busa pwedeng gihapong makapalit og ilimnong makahubog apan gidili ang pagpalit ug pagpamaligya niini pag-abot sa alas 5 sa hapon.
Samtang ang mga barbershops, salons ug uban pang pang personal care service establishments, dine-in services sa mga food retail establishments, ingon man mga industriya nga ilawom sa category IV ug ukay-ukay stalls kinahanglan unang masusi sa Business Permits and Licensing Division (BPLD) adiser makabalik sa operasyon aron masiguro nga masunod ang maximum sa gitugutan nga operation capacity ingon man ang minimum public health standards and protocols.
Magpabilin usab ang mga religious activities basta sundon lang niini ang 50 percent venue capacity. Sa katapusan nanawagan ang opisyal ngadto sa katawhan nga mosunod bag-ong tamdanan sanglit dunay kabutangan ang si bisan kinsang makasupak niini.
