BUTUAN CITY – Nangabot na dinhi sa dakbayan sa Butuan ang 400 ka mga Caraganons nga kapin sa tulo ka buwang stranded sa nagkada-iyang bahin sa Luzon ug Metro Manila tungod sa gipatumang lockdown nga hatud sa COVID-19.
Ang maong mga locally stranded individuals kon LSIs gipagikan kaganinang buntag sa Terminal 2 sa Ninoy Aquino International Airport kon NAIA ni Philippine Economic Zone Authority kon PEZA Director General Charito ‘Ching’ Plaza. Sakay sila sa duha ka sweeper PAL flights human nga na-cleared na medically.
Samtang sa kabahinan sa Butuan City government, gipadayag sa tigpamaba niining si May Diez nga taliwa nga ang nadugang nga 17 ka mga kaso sa COVID-19 dinhi sa Caraga Region kondiin apil na niini ang lima dinhi sa Butuan pulos gikan sa nangabot nga mga LSIs ug Returning Overseas Filipinos kon ROFs, gidawat gihapon nila ang mga Butuanong nangabot ug ang mga mangabot pa.
Wala matud pa’y angayang kabalak-an tungod kay gi-andam na sa city government ang tanang ilang agi-an apil na niini ang pagpa-ilalom kanila sa rapid test.
Dugang ni Diez, ning mi-aging mga buwan pa lang, mukabat na sa 50-mil ka mga rapid test kits ang ilang na-purchase ug sa latest record, kapin na sa 3-mil ang napa-ilalom niini rason nga kaya pa nilang ma-akomodar ang maong gidaghanon.
GIbakwi usab niini ang kabalakang gibati sa ubang mga Butuanons kalabot sa mga mga LSIs ug ROFs nga naka-uli na sa ilang pinuy-anan.
Sigon ni Diez, ang makapa-uli lang mao kadtong mga nagnegatibo sa ilang gipa-ilawumang rapid test sa pag-abot nila sa Butuan kinsa gitambagan gihapong mupa-ilalom sa istriktong home quarantine. Ang mga nagnegatibo usab ideretso na sa quarantine facility kondiin monitoron sila pag-ayo hangtud nga ma-clear na gikan sa makamatay nga coronavirus.
Aron matud pa malikayan ang pagtapot sa COVID-19 niadtong mga nakasilingan ug nama-uli nga mga LSIs ug ROFs, ang pinaka-maayo nilang matabang alang sa ilang kaugalinon ug ilang pamilya mao pagpabilin lang kanunay sa ilang pinuy-anan ug mugawas l.ang kung importante na kaayo.
