BUTUAN CITY – Gikumpirma sa Department of Health kon DOH-Caraga nga mi-abot na sa 29 ang mga natalang ‘Patients Under Investigation’ kon PUIs ning rehiyon kondiin 11 niini ang na-admit sa Caraga Regional Hospital sa Surigao City ug Adela Sierra Ty Medical Center sa Tandag City.
Gibutyag ni Dr. Jose Llacuna, regional director sa Department of Health –Center for Health and Development-Caraga, sa maong ihap usab, 18 ang anaa sa istriktong monitoring.
Mi-abot na usab sa 1,715 ang mga ‘Persons Under Monitoring’ kon PUMs kondiin 4,969 ang aktibo karong gi-monitor samtang 746 na ang Nakakompleto sa ilang isolation process.
Gibutyag sa opisyal sa eksklusibong interview sa Bombo Radyo Butuan nga magtagbo karong Miyerkules sa hapon Marso 25, ang mga membro sa Executive Committee on EXECOM sa Regional Development Council aron hisgutan ang pag-rationalize sa COVID-19 guidelines alang sa tibuok rehiyon.
Kini subay na usab sa managlahing guidelines nga gipatuman ang matag-local government units rason sa kalibog sa mga biyahidor ilabina kadtong maglapos-lapos ang adtuang lugar sa trabahuan og ang lugar nga uli-an. nga ang matag-probinsya duna’y kaugalingong guidelines apil na ang mga lungsod og kasyudaran rason nga ila kining hi-usahon aron duna’y regional guidelines nga aprubahan unya sa Philippine National Police kon PNP.
