BUTUAN CITY – Narekober na sa hini-usang pwersa sa Armed Forces of the Philippines ug Philippine National Police ang kalabera sa duha ka mga rebeldeng New Peoples Army kon NPA nga gilubong sa hilit nga bahin sa Barangay San Vicente, Esperanza, Agusan del Sur human namatay sa engkwentro.
Sa pakighinabi sa Bombo Radyo Butuan gipadayag ni 1Lt. Percival Carido, Civil Military Operations kon CMO Officer sa 26th IB, Philippine Army nga pito ka mga miembro sa New Peoples Army nga bulontaryong misurrender ang nagtudlo sa lokasyon sa gilubngan nila sa duha ka mga ka-ubanang rebelde hinungdan sa paglusad og operasyon sa militar ug kapulisan aron mahatagan kini og desenting lubong.
Narekober sa ilang lubnganan ang usa ka M14 rifle ug usa ka Garand rifle ingon man anti-personnel mine ug nagkadaiyang bala.
Gi -ila sa mga mitahang rebelde ang nakabutan nga patay’ng lawas nga sila “Ka Al” nga taga Quezon, Bukidnon ug “Ka Dope” nga taga-Cagayan de Oro City.
Alayon niiini nanawagan ang opisyal ngadto sa mga anaa pa sa kabukiran nga mutahan sa sabakan sa gobyerno aron dili masusama sa nadangatan sa duruha kansa pamatuod lang nga wala’y maayong mahatod ang armadong pakigbisog.
