BUTUAN CITY – Subay sa pag-resign ni Engr. Wen Kok Lim Chiang II isip president sa Sangguniang Kabataan Butuan City Federation, gitakda na sa Comission on Elections kon COMELEC-Butuan ang SK Pederasyon Special Election.
Nasayrang gawas kang Chiang, boluntaryo usab nga mi-resign ang vice president, secretary, treasurer og auditor.
Base sa gipagawas nga memorandum ni COMELEC Butuan City Director Charissa Guerta, gitakda ang eleksyon karong Lunes, Disyembre 23 nga himuon sa Almont Inland Resort.
Nakalatid sa memorandum nga ang pakyas pagsalmot sa eleksyon, mamahimuong himuong ground alang sa posibleng administrative offense tungod sa pagpasagad sa katungdanan.
Base kini sa nakalatid sa Republic Act 10742 ug laing applicable laws ug issuances.
