BUTUAN CITY – Gitakda karung Nobyembre 5 didto sa kauluhang Manila ang pagpasidungog sa mga munisipalidad ug siyudad ning rehiyon nga mipasar sa 2019 Seal of the Good Local Governance kon SGLG.
Nasayran nga sa nakalabay’ng mga adlaw sa dihang gi-post ang opisyal nga listahan sa website sa Department of Interior and Local Government kon DILG-Caraga.
Ning tuiga, halos midoble ang ihap sa 2019 SGLG Passers sa rehiyon nga dunay 19 ka LGUs nga gilangkuban sa 2 ka siyudad ug 17 ka munisipalidad nga kanhe 10 lang ka LGUs.
Ang munisipalidad ug siyudad nga nakakuha og award mao ang Surigao City, Tandag City; lungsod sa Carmen og Las Nieves sa probinsiya sa Agusan Del Norte; Esperanza, Trento ug properidad sa Agusan Del Sur; Burgoz, Gigaquit, Mainit, Malimono, Sison, Sta. Monica ug Tubod sa Surigao Del Norte; Cagwait, Carrascal, Cortez ug Hinatuan sa Surigao Del Sur lakip na ang munisipalidad sa Dinagat sa Dinagat Island.
Sa kasamtangang SGLG Awards pinaagi sa Republic Act 11292, laumang ang local government units mas mahimong proactive sa pagpromotar sa good governance ilabina ang pagtuman sa transparensiya ug accountability sa paggamit sa pondo sa katawhan, pag-atubang sa hagit sa disaster preparedness and response, pagresponde sa mga nanginahanglan, implementasyon sa programang panglawas, investment ug employment promotions.
