BUTUAN CITY – Padayon pang gi-imbestigahan sa kapulisan sa Sibagat, Agusan del Sur ang pagpusil-patay sa kapitan sa Brgy. Padiay pasado alas-6:30 kagabii.
Naila ang biktimang si Kapitan Elver Pabiano Salva kinsa kasamtangang nagpuyo sa Brgy. Ampayon ning siyudad sa Butuan.
Sigon ni PCaptain Charlie Quidiam – hepe sa Sibagat Municipal Police Station, gikan mitambong sa binuwang tigom sa mga kapitan ang biktima didto sa Purok 8, Brgy. Poblacion dihang kini gipusil sa wala pa mailang responsable.
Gidala pa sa ospital ang biktima apan nakabsan gihapon kini sa iyang kinabuhi.
Samtang ubay-ubay nga anggulo ang ilang gitutukang motibo sa maong pagpatay og apil na niini ang posibleng paglikida kaniya sa rebeldeng New P eople’s Army kon NPA tungod kay aktibo matud pa kini sa anti-insurgency campaign sa gobyerno.
Narekober sa crime scene ang mga basiyo sa kalibre .45 nga pistola.
