BUTUAN CITY – Angol ang pito ka mga crews sa usa ka bangka human kini na-abo sa sunog samtang anaa sa pantalan sa Brgy Consuelo lungsod sa Cantilan, Surigao del Sur.
Gidala na sa Davao City ang lima sa mga angol samtang sa Surigao City usab ang lain pang duha.
Nasayran sa inisyal nga imbestigasyon sa Bureau of Fire Protection- Cantilan nga duna’y kargang 30-mil litrong gasolina ang LPC Express nga dalhin unta sa Siargao Island.
Kalit na lang matud pang nakadungog og kusog nga pagbusikad ang mga nakasaksi adiser kini gilamoy sa kalayo.
Gi-imbestigahan na sa BFP kung nganong duna’y kargang ingon niadto kadaghang gasolina ang bangka taliwa sa kawala nila’y permit gikan sa ilang buhatan.
Gika-ingong gikan sa engine room ang pagbusikad kondiin ang maong insidente gibana-banang midamyos og kapin sa P2M.
