BUTUAN CITY – Andam na ang mga police units sa tibuok Caraga Region nga i-accommodate ug iproseso ang mga ex-convicts sa New Bilibid Prison nga naka-avail sa Good Conduct Time Allowance kon GCTA law og mutahan pagbalik sa balaud.
Kini human usab gimando ni Pangulong Duterte ngadto sa mga naka-avail sa GCTA nga duna lamang sila’y 15 ka mga adlaw nga mutahan og balik aron dili ilhong mga pugante.
Sa eksklusibong pakighinabi sa Bombo Radyo Butuan, gibutyag ni PLCol. Christian Rafols – information office sa PRO-13 nga gimanduan na ni PBGeneral Gilberto DC Cruz – regional director sa Police Regional Office kon PRO-13 ang tanang unit commanders ning rehiyon nga atimanon ang mga mudangop sa ilang buhatan.
Higayong duna man, kinahanglan nilang i-booking og ipa-verify dayong report niini ngadto sa Bureau of Corrections aron kini ma-validate og matugyan og balik ngadto sa kauluhan.
Alayon niini, nanawagan ang opisyal ngadto sa mga ex-convicts nga ania ning rehiyon nga mutahan na sa pinakaduol nga police station og dili na maghulat pa nga ang mga otoridad na’y mangita kanila.
Gipasabot niini nga aron masegurong luwas silang mabalik sa bilangguan mas maayong boluntaryo na silang musurender.
Nanawagan usab sila sa kabanay sa 1,700 ka mga pinirisong naka-avail sa GCTA nga awhagon silang mutahan na og balik sa mga otoridad aron malikayan ang mas grabe pang posibleng mahitabo.
