BUTUAN CITY – Tumang kalipay og puno sa pagpasalamat ang nabungat sa overseas Filipino worker kon OFW didto sa Saudi Arabia nga sa katapusan, maka-uli na siya sa Pilipinas tungod sa tabang sa Bombo Radyo.
Sa eksklusibong pakighinabi sa Bombo Radyo Butuan, gipadayag ni Roxanne Pujeda, taga-Marinduque nga lima ka buwan na lang unta matapos na ang iyang kontrata apan tungod kay mibalhin na sa laing nasud ang iyang amo rason nga gibalhin-balhin na siya sa iyang agency og laing mga employers.
Sa katapusan niyang nabalhinang amo matud pa siya gisulayan paglugos apan wala mulampos ang iyang among lalaki tungod sa iyang pagsukol rason nga nabalian siya og kamot.
Iya gilayong gi-post sa iyang FB account ang iyang nadangatan og dihang nabasahan kini sa iyang higala, gidangop kini dinhi sa Bombo Radyo Butuan rason nga napangitaan og paagi nga makutay ang iyang agency sa Saudi Arabia nga miresulta sa pag-rescue kaniya.
Alayon niini, nalukatan na siya og ticket pabalik dinhi sa Pilipinas kondiin gitakda ang iyang pagpa-uli karong Huwebes rason sa tuma niyang pagpasalamat.
