BUTUAN CITY – Gikumpirma ni Ka Omar Ibarra, tigpamaba sa New People’s Army kon NPA-WANAS nga sila ang mihimu sa pagronda sa usa ka beach resort sa may Barangay Amontay, Nasipit, Agusan Del Norte sa nakalabay nga alas 6:00 sa saying kagabhion.
Sigon ni Ka Ibarra, gisulod nila ang Amontay Beach Resort nga gipanag-iyahan sa negosyanteng si Henry Tan tungod sa pagbaton niini ug private army.
Nakumpiska sa NPA ang 1 ka baby armalite nga dunay 5 ka magazine nga puno sa buhing bala, 1 ka .38 revolver, 22 rifle ug 3 ka handheld radio. Sigon ni Ka Ibarra, tumong sa maong raid nga makumpiska ang mga armas sa negosyante tungod kay dakong hulga kini sa katawhan.
Gihimakak usab niini ang alegasyong gihimu nila ang pag-ronda tungodsa pakyas nga pagbayad sa gitawag nga revolutionary tax.
Samtang ginegar usab nga kakunsabo sa NPA ang gidakop sa mga pulis nga usa ka security guard. Gihimu lang matud pa kini sa otoridad aron dunay mapresintang accomplishment human sa maong hitabo.
