BUTUAN CITY – Dead on the spot ang pito ka police officers ug usa ka retired police sa ngil-ngig nga aksidente sa kadalanan sa Poblaccion, Naawan, Misamis Oriental pasado alas 9:25 kagahapon sa buntag.
Gi-ila ni Police Staff Sergeant Francis Ferdinand Vidal Daduli, investigation Police Non-Commissioned Officer, ang mga namatay nga sila Police Staff Sgt. Micheal Erman; Riowan Marjun; Eugene Lagcao; Arnel Manoop; Aaron Besigar; Jibilou Cañeda; Police Staff Master Sergeant Eric Generalao ug si retired police Anito Abapo, ang driver sa Toyota High Ace Van.
Base sa inisyal nga imbestigasyon, mibangga ang duha ka high ace van nga gisakyan sa mga pulis dihang nag-overtake kini sa usa ka winged van nga mibangga kilid sa kalsada human mibuto ang ligid niini ug nabanggaan ang usa pa ka van nga gi-abangan sa mga pulis.
Sigon ni Daduli, gikan pa schooling sa Regional Training Center sa PNP sa Brgy. Patag, sa Cagayan de Oro City ang mga biktima.
Base sa records sa PRO-10, nagsumikad pa sa Lanao del Norte Police Provincial Office ug Misamis Occidental Provincial Police Office ang mga namatay ug nasamdan. Gisuta pa sa kapulisan ang tinood nga hinungdan sa insidente.
Sa karun muabot pa sa 24 ang samarang pulis, diin pito na ang nakagawas sa ospital. Nagpaabot na og pahasubo si Police Brig. Gen. Lawrence Coop sa mga pamilya sa namatay.
