BUTUAN CITY – Nakatala og 76 ka mga bag-ong kaso sa COVID-19 ang Caraga Region kansa natunga sa tag-38 ka mga kaso sa kababayen-an ug kalalakin-an samtang 51-porsiento ang anaa sa edad nga 21 hangtud 50-anyos.
Sa Agusan del Norte, usa ang natala sa lungsod sa Nasipit samtang 10 ka kaso sa Cabadbaran City nga na-apod sa Brgy. Kauswagan 05; Brgy. 3- tulo, ug tag-usa sa Brgy. 9 ug Soriano samtang 9 ka mga kaso sa Agusan del Sur nga na-apod sa mga lungsod sa Rosario – 5; Bunawan-3 ug usa sa San Francisco.
Mitala usab og 10 ka mga kaso ang Surigao del Norte nga nabahin sa mga lungsod sa Bacuag-4; Socorro -3; Placer-2 ug Claver -1 samtang mitala usab og 5 ka mga kaso ang Surigao City nga nabahin sa Brgy. San Juan ug Taft nga duna’y tag-duha ug usa sa Brgy. Poctoy samtang duha ka mga kaso ang natala sa Surigao del Sur nga anaa sa mga lungsod sa Lingig ug Barobo. ug 6 ka kaso sa Bislig City nga anaa sa Brgy. Mangagoy -3 samtang 2 sa Brgy. Tabon ug usa sa San Roque.
Pinakadaghan ang natala sa Butuan City nga mi-abot sa 33 kansa na-apod sa Brgy. Libertad-15; Bayanihan-3; tagduha sa Brgy. Agusan Pequeño; Baan Km. 3 ug Villa Kananga samtang tag-usa na sa Brgy. Ampayon; Baan riverside; Bading; Imadejas; Mahogany; Pagatpatan, Pinamanculan; Rajah Soliman ug Taguibo.
Apil sa natalang patay ang usa ka 70-anyos nga lolo nga taga-Tandag City, Surigao del Sur kinsa hypertensive; diabetic ug duna’y chronic kidney disease kinsa gi-ubo ug naglisod pagginhawa niadtong Oktubre 14 rason nga gidala sa ospital paglabay og duha ka mga adlaw apan tungod sa mga komplikasyon, namatay pagka-Oktubre 20.
Ang ikaduhang namatay mao ang usa ka 65-anyos nga lalaking gikan sa Lingig, Surigao del Sur nga duna’y sakit sa kasing-kasing kinsa gihilantan, gi-ubo, harat ang tutunlan ug naglisod pagginhawa niadtong Oktubre 8 rason nga gi-admit pagka-Oktubre 19 apan tungod sa mga komplikasyon, namatay siya ning mi-aging adlaw’ng Miyerkules.
