BUTUAN CITY – Mi-abot na sa pito ka mga pulis ning siyudad sa Butuan ang nagpositibo sa COVID-19 human migawas ang resulta sa ilang swab tests samtang kapin sa 30 usab ang nagpositibo sa rapid test.
Gikumpirma kini ni PLt. Abel Bulawan, tigpamaba sa Butuan City Police Office sa eksklusibong pakighinabi sa Bombo Radyo Butuan dungan sa pagbutyag nga istriktong naka-home qurantine ang mga nagpositibo sa rapid test samtang ang mga kumpirmadong kaso, gi-isolate na sa mga quarantine facilities ning siyudad.
Apan bisan pa man niini, padayon gihapon ang paghatag og 24-oras nga serbisyo sa ilang pwersa ngadto sa upat ka mga quarantine control points ug sa mga barangay nga duna’y taas nga local transmission sa coronavirus ug kini wala pa’y labot sa mga nagpatrolya.
