BUTUAN CITY– Pito ka mga balay sa Purok 2 , Brgy. Lemon ning siyudad sa Butuan ang na-abo sa sunog ning hapuna lang kondiin apil sa nasunog ang balay ni Kagawad Felipe.
Sa eksklusibong pakighinabi sa Bombo Radyo Butuan, gibutyag ni Kagawad Felipe nga apil sa nasunog ang panimalay nila Belinda Avenido, Juliet Andayan, Ando Bermudez, Jelo Generalao, Jimmy Monggaya ug Alden Ayuban.
Naggikan matud pa ang kalayo sa panimalay ni Belinda Avenido ug tungod sa kapaspas sa pag-ulbo sa kalayo, bugtong niyang nakuha ang pipila lang ka sapot ug iyang TV set. Duna matud pa’y tawo sa balay sa mga Avenido apan wala pa siya masayod kung nganong kalit nga mikaylap ang kalayo.
Padayon pa usab nga gisuta ang hinungdan sa pag-ulbo sa kalayo ug ang gibilin niining damyos apan wala kini magbilin og angol.
