BUTUAN CITY – Giklaro ni Atty. Kurt Montero sa Department of Trade and Industry kon DTI-Caraga nga ang price freeze sa lugar nga gipa-ilalom sa state of calamity, otomatikong ipatuman sa mga pinili lang nga batakang palaliton kon basic necceseties apan wala’y labot ang prime commodities.

Kini ang reaksyon sa abogado human na-obserbahan nga duna’y mga water refilling stations ning siyudad nga nagpataas na og 5-pisos sa presyo sa ilang gibaligyang tubig nga anaa sa container samtang dugang 5-pisos usab alang nilang magpahatud.

Sigon ni Atty. Montero, apil ang tubig sa basic necceseties nga ilang gi-monitor apan ang tag-usa ka litro lang pa-ubos maoy duna sila’y hurisdiksyon.

Sa ilang latest monitoring ning mi-aging semana, ang tag-25 pisos kada-litro sa tubig lang ang lang nabantayan ug wala ang tag-30 o kaha ngadto sa 45 pisos matud pa nga kada-regular container niini.

Gikatakda matud pa  silang magtagbo sa mga membro sa Local Price Coordinating Council ug didto ilang i-suggest nga i-apil sa ilang price freeze ang mga tubig nga labaw sa usa ka litro ang sulod.

Kini dayong tambag sa tanan nga dili mag-usik usik og tubig tungod kay nagkanihit nakaayo kini rason nga ang tanan, ma-adunahan man o pobre, apektado niini.