BUTUAN CITY – Gisugdan na ning adlawa ang climate change summit sa United Nation didto sa Egypt uban sa bahad nga ang atong planeta, nagpadala na og makadaut nga signal.
Kini ang tubag ni Secretary-General Antonio Guterres sa usa ka UN report nga gipagawas kagahapon kansa nagbutyag nga ang nakalabay’ng walo ka mga tuig mao ang pinaka-init nga natala.
Kapin sa 120 ka mga world leaders ang musalmot sa summit nga nailang Conferences of Parties kon COP27, nga gihimo karon sa Red Sea resort sa Sharm el-Sheikh. Kini na ang sinugdanan sa duha ka semanang negosasyon tali sa mga nasud alang sa pag-aksyon sa ka-usaban sa klima.
Gi-awhag usab ni COP27 president, Egyptian Foreign Minister Sameh Shoukry, ang mga lideres nga dili tugutan ang krisis sa pagkaon ug enerhiya nga gikutay ngadto sa pagpanakop sa Russia sa Ukraine nga ma-apil sa aksyon sa climate change.
Nasayrang ang kinahanglang aksyon, gihikyad sa pinaka-ulahing report gikan sa World Meteorological Organization sa UN.
Nagpadala si Guterres og usa ka video message ngadto sa komperensya kansa gitawag niyang State of the Global Climate Report 2022, usa ka chronicle of climate chaos.
Sulod niini ang pagbana-bana sa mga scientists nga misaka na karon ang global temperatures og 1.15-degrees Celsius sukad sa pre-industrial times dayong butyag nga ang nakalabay’ng walo ka mga tuig, nagsubay na sa pinaka-init nga record sa temperatura.
Nakalatid usab sa report ang bahad sa laing lapad ug managlahing impacts sa climate change, apil na niini ang paspas nga pagsala sa sea level, pagkahilis sa glacier mass ug ang mga record breaking nga heatwaves.
Tungod niini nga mga findings, gipadayag ni Guterres nga ang COP27 kinahanglan nang mupatuman og dinalian ug credible nga climate action.
