BUTUAN CITY – Nagpagawas na og bag-o ingon man limitadong public transportation alang sa nagkada-iyang ruta sa tibuok panahon karong panahon sa general community quarantine kon GCQ ang Land Transportation, Franchising and Regulatory Board kon LTFRB-Caraga,
Kini mamahimong sakyan sa mga empleyado sa gobyerno apan dili na kini libre.
Nakalatid kini sa gipagawas nga LTFRB MC No. 2020-018 ni OIC regional director Ma. Kristina Cassion kondiin ang maong mga ruta ekskilusibo lamang diha sa mga gitawag nga major arteries ug high volume corridors kon duna’y daghang mga trabahante nga gila-umang anaa sa 79-porsiento sa kinatibuk-ang populasyon sa rehiyon.
Ang pagpatuman og GCQ routes mulungtad hangtud sa Mayo 15.
Sa eksklusibong pakighinabi sa Bombo Radyo Butuan, gipadayag ni Director Cassion nga sa inter-provincial routes, apil sa ilang gibuksan ang lungsod sa Carmen, Agusan del Norte padulong sa Surigao City nga duna’y upat ka bus units gikan sa Bachelor Express Incorporated.
Anaa usab ang rutang gikan sa Nasipit, Agusan del Norte padulong sa San Francisco, Agusan del Sur via Mat-i sa lungsod sa Las Nieves, Agusan del Norte kondiin ang mga pasahero mamahimong mukanaog sa mga barangay nga apil sa GCQ.
Samtang kung mutabaok sila sa mga enhanced community quarantine kon ECQ barangays, kinahanglang sirad-an ang bintana sa sakyanan.
Giklaro pa ni Cassion nga dili pa normal karon ang sitwasyon sa rehiyon rason nga limitado lang ang gitugutan nilang makapamasahero rason nga sa mga makonsiderang enhanced community kon ECQ areas, pabiling suspendido ang public transportation.
Tungod niini, iyang gi-awhag ang mga LGUs nga ipadayon ang libreng transportation arrangements alang sa ilang mga hospital workers, samtang ang mga exempted nga establisamiento, mamahimong makapadayon pagpadagan sa ilang mga shuttle services alang sa ilang mga empleyado.
