BUTUAN CITY – Muabot sa 653 ka mga estudyante og mga out-of-school youth ang naka-apil sa summer job nga gitanyag sa lokal nga kagamhanan ning siyudad sa Butuan.
Sigon ni Michiko de Jesus, tigpamaba sa Butuan City Government nga 153 ang magtrabaho sulod sa 20 ka adlaw samtang 500 usab ang magtrabaho sulod sa 10 ka adlaw.
Sumala pa ni De Jesus nga kadaghanan sa mga niini gi-assigned sulod sa opisina sa City Hall og dili makita diha sa kadalanan sa tumong nga masinati nila ang trabaho sulod sa opisina.
Kasagaran nga gidawat sa summer job mga college students nga magtrabaho sugod sa alas 8:00 sa buntag ngadto sa alas 5:00 sa hapon. Wala na gibulgar sa opisyal ang inadlaw nga suhulan sa mga niini apan duna matud pay standard nga nakalatid sa department of Labor and Employment.
Giklaro usab ni De Jesus nga pwede pa gihapon modawat og aplikante ang LGU-Butuan apan dili na maka-apas sa karun nga summer job ilabina kay hangtud lang kini sa Hulyo hinoon didto kini makatrabaho sa Disyembre.
