BUTUAN CITY – Usa ka lalaki gikan sa Idaho nga adunay kapin sa 350 ka titulo sa Guinness World Records nakadugang na usab og usa pa ka rekord pinaagi sa pagbalanse og skateboard sa iyang suwang sulod sa kapin usa ka oras.
Si David Rush, nga kaniadto nakabuak na og daghang rekord nga naglakip sa pagbalanse og mga butang sa iyang suwang, mibutyag nga nakahukom siya nga sulayan ang rekord sa skateboard human niya mahibal-an nga nahimo na ang kategorya apan wala pa’y nakakuha sa opisyal nga rekord.
Sigon pa niini nga iyang nasayran ang klarong problema sa paggamit sa skateboard tungod kay medyo hait ug tumoy niini diin bisan 30 segundos pa lang, sakit na kaayo.
Pagbutyag pa ni Rush nga adunay iyang higala nga daghan og koleksiyon sa skateboard nga nagpahulam kaniya og usa niini nga mas patag ang kilid, apan pasado gihapon sa gikinahanglang sukod ug gimbug-aton.
Gisulayan niya ang pagkuha sa rekord atol sa pag-relax niini gikan nagdula og pickleball sa YMCA sa Boise.
Nakaya ni Rush nga mapabiling balanse ang skateboard sulod sa 1 oras, 1 minuto ug 36 segundos nga igo na aron makuha niya ang titulo.
