BUTUAN CITY – Gikonsidera karung inspirasyon ang usa ka lalaki sa Uganda nga gibansagang Pinaka-panget nga lalaki sa tibook kalibutan tungod sa pagsikat niini sa natad sa musika og nakabaton pag tulo ka asawa.
Nasayrang talagsaon ang kaagi sa kinabuhi ni Godfrey Baguma, tungod sa pagbiag-biay nga nadawat nini sukad pa kaniadto tungod sa iyang hitsura og gane sa pagkatawo palang niini gibiyaan na kini sa iyang inahan tungod sa talagsaong panagway.
Sa pagdako niini, mipili kining magpuyo nga mag-inusara tungod sa pagpang-insulto sa publiko og nawad-an og paglaum nga makakaplag pa og tinud-anay nga gugma.
Nausab ang dagan sa iyang kapalaran sa dihang nakaplagan niya ang tinuod nga gugma gikan sa iyang asawa nga si Kate.
Bisan pa man sa mga pagsaway gikan sa pamilya ug mga higala, wala gipaminaw ni Kate ang mga paghukom sa uban ug mipili nga higugmaon ang tinuod nga pagkatawo ni Godfrey.
Imbes nga ikaulaw, gigamit pa sa magtiayon ang sitwasyon aron moapil sa usa ka “ugliest man” contest nga nahimong dalan sa ilang pag-asenso.
Sa karun, usa na ka sikat nga music star si Baguma diin miani na og minilyon nga views sa internet ang iyang mga music video.
Nahimo na siyang usa ka inilang personalidad nga karon aduna nay tulo ka asawa ug walo ka mga anak.
