BUTUAN CITY – Mi-abot na sa siyam ang natalang patay ug duha ang missing sa paghapak ni Tropical Depression Vicky dinhi sa Caraga Region.
Alayon niini, gibutyag ni Police Brigadier General ROMEO CARAMAT, JR, Regional Director sa PRO-Caraga nga taliwa nga migawas na ang bagyong Vicky sa Philippine Area of Responsibility, pabilin silang naka-full alert alang sa search, rescue, retrieval and recovery operations ilabina sa mga area nga grabeng naapektuhan sa bagyo.
Madumdumang niadtong December 18, Biernes, mihapak ang bagyo sa Mindanao area dala ang kusog nga mga pag-ulan hinungdan sa mga pagbaha ug pagdahili sa yuta sa mga probinsya Surigao del Sur ug Agusan del Sur hinungdan nga napugos ang libuang mga indinbidwal nga nanimuyo sa mga low lying areas nga muhikling sa mga evacuation centers.
Gi-atiman na ang maong mga bakwit labi na ang mga tigulang, ug mga bata sa nagkada-iyang han-ay sa kapulisan uban ang ubang hintungdang ahensya ingon man sa ilang tagsa-tagsa ka mga lokal nga gobyerno.
Sa pinaka-ulahing taho usab sa Regional Tactical Operations Center sa PRO13 , nagpabiling pa gihapong dili ma-agihan ang Provincial Road sa Purok 6, Barangay Tagongon, Tagbina, Surigao del Sur tungod sa natigayong landslide atol sa bagyo.
