BUTUAN CITY- Patay ang 45 ka mga deboto sa South Africa human nahulog sa pangpang ang gisakyan niining bus nga padulong untana sa Easter Conference.
Bugtong ang 8-anyos lamang nga batang babaye ang naluwas gikan sa maong trahedya kansa daling gidala sa balay-tambalanan tungod sa naangkon niining mga bun-og ug samad.
Kahibaloang gikan ang maong bus sa nasod nga Botswana, kansa abay lang sa South Africa, og padulong untana kini sa Zion Christian Church, nga nahimutang sa Moria asa himoon untana ang sikat nga Easter festival.
Sumala sa inisyal nga imbistigasyon sa mga awtoridad, nawad-an og kontrol ang drayber sa maong bus hangtud nga ning bangga kini sa mga barriers sa tulay, ug nahulog sa 50 metros nga giladmong pangpang, adiser kini ning ulbo dayon nasonog.
Sa kasamtangan, gipadangat na ni South African President Cyril Ramaphosa ang pahisubo niini sa nasod sa Botswana, ug ning saad usab kini nga motabang sa mga pamilyang namatyan sa ilahang mga mahal sa kinabuhi.
Sa pagkutlo ning balita, padayon pang gipahigayon ang search operations ignon man ang pag-ila sa uban pang mga wala pa-mailang mga nadamay sa maong panghitabo. Natigayon ang maong disgrasya kagahapong adlawa, Marso 29, ning kasamtangang tuig.
