BUTUAN CITY- Nagtapok ang liboan ka mga tawo sa London atol sa magkasumpaki nga mga demonstrasyon nga gipangulohan sa far-right activist nga si Tommy Robinson ug sa mga pro-Palestinian ug anti-racism groups, diin nagdeploy ang kapolisan og liboan ka mga opisyal aron mapugngan ang posibleng kagubot.
Ang “Unite the Kingdom” march ni Robinson nagtutok sa isyu sa imigrasyon ug nasudnong seguridad, samtang ang kontra-protesta nagtimaan sa Nakba Day ug nagpahayag batok sa rasismo ug pasismo.
Sumala sa pulisya, kapin 60 ka mga tawo ang nadakpan atol sa mga rally ug sa FA Cup Final samtang, pipila usab ka mga opisyal ang nasamdan.
Ang maong mga demonstrasyon nagpakita sa nagkadakong tensyon sa United Kingdom kansa adunay kalabotan sa imigrasyon, extremism, ug suporta sa Palestine, taliwala sa pasidaan sa gobyerno batok sa pagpalapad sa pagdumot ug kagubot sa kadalanan.
