BUTUAN CITY – Giklaro ni Pangulong Ferdinand Marcos Jr nga wala siya’y gipagawas nga kamanduan aron arestuhon si Senador Ronald ‘Bato’ de la Rosa.
Sigon sa pangulo, dali niyang gi-istorya si National Bureau of Investigation kon NBI Director Melvin Matibag aron masuta kung iyang mga sakop na ang misulod sa Senate building kansa gilimod sa opisyal.
Tungod niini, gimando gilayon sa pangulo ang pagpahawa na sa mga sakop sa NBI nga anaa sa palibot sa Korte Suprema human gipagawas ang resolusyon nga naghatag og tulo ka adlaw sa mga respondents sa petisyon ni Senador Bato aron kini tubagon.
Gidugang pa sa pangulo nga ang mga armadong kalalakin-ang anaa sa Senate building pulos nga regular security personnel nga na-detail sa maong dakbalay nga gilangkuban sa mga pulis, mga sundalo ug Office of the Senate Sergeant at Arms kon OSSAA.
Gipamugos pa sa pangulo nga wala’y labot ang gobyerno sa nahitabo kagabii sulod sa Senate building ug wala usab matud pa siya’y gipadalang pwersa gikan sa militar, NBI ug uban pa aron arestuhon si Senador Bato.
Alayon niini, nanawagan ang pangulo sa publiko nga magpabiling kalmado samtang padayon pang gi-imbestigahan sa kapulisan ug sa Senado ang nasangpit nga insidente.
