-- ADVERTISEMENT --
BUTUAN CITY – isaka og 166% ang kaso sa dengue ning siyudad sa Butuan karong tuiga human nga mi-abot na kini karon sa 1,086 kumpara sa natalang 408 ka mga kaso sa susamang period ning mi-aging tuig.
Sigon ni Pines Torralba, dengue focal person sa Butuan City Health Office, ang Libertad maoy duna’y daghang aktibong kaso sa dengue ning panahuna nga mi-abot sa 107, gisundan sa Doongan-77; Baan Km. 3-72 dayon ang Villa Kananga ug San Vicente nga parehong mitala og tag-61 ka mga kaso.
Gikan sa 1,086 ka mga kaso, upat na ang natalang patay nga taga-Brgy. Bancasi, Agusan Pequeño, Maon ug ang pinaka-ulahi, ang Brgy. Libertad pinaagi sa usa ka 4-anyos nga bata.
