BUTUAN CITY- Nakakuha og dakong atensyon sa Keonjhar district sa India ang usa ka insidente diin si Jitu Munda, 52 anyos, midangop sa bangko dala ang nahibiling bukog sa iyang igsoon aron makakuha og kapin 19,300 Indian Rupee kon P12,450 gikan sa account niini sa Odisha Grameen Bank sa Maliposi, human kini mapakyas sa daghang pagsulay tungod sa kakulang sa dokumento.
Nakapahadlok ug nakapahibulong kini sa mga empleyado ug kliyente sa bangko, hinungdan nga gilayon nga mitubag ang mga otoridad ug nagpahimangno nga ang pag-withdraw sa kwarta sa usa ka namatay nga depositor nagkinahanglan og pormal nga papeles sama sa death certificate ug pruweba sa legal nga manununod, samtang gisaad sa lokal nga gobyerno nga tabangan ang lalaki sa hustong proseso ug gilubong pag-usab ang nahibiling lawas sa iyang igsoon.
