BUTUAN CITY – Malampusong nalusad kaganina sa Department of Trade and Industry kon DTI-Caraga ang upat ka adlaw nga 2021 Buy Caraga By Caraga: Balangay Edition Trade Fair sa may Atrium sa SM City Butuan.
Sa eksklusibong pakighinabi sa Bombo Radyo Butuan, gipadayag ni Assistant Regional Director Gay Tidalgo, gisalmutan kini sa 95 ka mga gagmay’ng negosyante gikan sa lima ka mga lalawigan ning rehiyon kins nag-exhibit sa ilang mga produkto.
Gipasabot sa opisyal nga gituyo kini aron tabangan ang mga micro, small and medium enterprises kon MSMEs kinsa moay na-apektuhan og maayo sukad mi-igo ang COVID-19 pandemic ning mi-aging tuig.
Bunga matud pa kini sa padayon nilang pagpangita og mga paagi aron matabangan sila nga makasustiner sa ilang negosyo. Libre matud pa ang pagsalmot sa maong mga negosyante tungod kay gi-subsidize kini sa ilang ahensya aron lang mabaligya ang ilang mga produkto.
Subay niini, nanawagan siya sa tanan nga suportahan ang maong trade fair nga mapalit sa ubos lamang nga presyo ug matapos karong Mayo 16.
