BUTUAN CITY – Nadugangan na usab og upat ka mga bag-ong patay ang Caraga Region tungod sa COVID-19 samtang 81 ang mga bag-ong kaso kondiin sa bag-ong ihap, nag-una gihapon ang dakbayan sa Butuan nga dunay 25 ka mga kaso nga gilangkuban sa 11 ka kaso sa Brgy. Villa Kanangga, 5 sa Brgy. Pigdaulan, 2 sa Libertad samtang tag-usa na sa Brgy. Ambago, Baan Riverside, Doongan, Golden Ribbon, Limaha, San Vicente ug Tandang Sora.
Gisundan kini sa 13 ka kaso sa Surigao del Norte partikular sa mga lungsod sa Dapanga dunay 6 ka kaso, 4 sa General Luna ug 3 sa Del Carmen.
Duna usa’y 9 ka kaso usab sa Agusan del Norte nga dunay 6 sa Buenavista ug tag-usa na sa Carmen, Jabonga ug Magallanes samtang mitala og 8 usab kaso ang Agusan del Sur nga dunay 4 sa San Francisco ingon man tag-duha sa Bunawan ug Prosperidad.
Adunay 7 usab nga natalang kaso sa Surigao del Sur nga dunay tag-duha sa Cantilan ug Carmen samtang tag-usa na sa Hinatuan, Lanuza ug Tago ug dunay 5 ka kaso ang Brgy. Taglatawan sa Bayugan City ingon man ang Tandag City nga nabahin sa Brgy. Telaje-4 ug San Jose -1.
Duna usa’y 2 sa Surigao City kondiin tag-usa sa Brgy. Rizal ug Washington ingon man 2 usab sa Probinsya sa Dinagat Island nga nabahin sa Loreto ug San Jose ug 1 lamang sa Brgy. Tabon, Bislig City.
Gikan sa maong ihap, 52 niini ang asymptomatic, 26 ang mild samtang tag-usa ang moderate, critical ug severe.
Apil sa namatay ang usa ka 45-anyos nga lalaki nga taga-General Luna, Surigao del Norte kinsa namatay niadtong Pebrero 1, ikaduha ang 54 anyos nga lalaki nga taga-Tandag City nga namatay niadtong Enero 31, ikatulo ang 62-anyos nga lalaking taga-Butuan City kansa namatay niadtong Pebrero 3 ug ang katapusan mao ang 69-anyos nnga babayeng taga-Lianga Surigao del Sur kinsa namatay niadtong Pebrero 2.
Sa kasamtangan, ang cumulative COVID-19 cases ning rehiyon mi-abot na sa 6,433 kondiin 922 ang aktibong kaso samtang 5,240 na ang nakarekober ug 271 na natalang patay.
