BUTUAN CITY – Wala matago sa amahang si Alvin Montano, minyo ug residente sa Purok 4, Brgy. Camayahan ning siyudad sa Butuan ang iyang kadismaya ngadto sa uyuan sa iyang asawa tungod sa pagkahulog sa iyang 4-anyos nga anak nga lalaki sa septic tank kilid sa balay niini niadtong Sabado hinungdan sa kamatayon niini.
Sa eksklusibong pakighinabi sa Bombo Radyo Butuan, gipadayag ni Montano nga kapin duha ka oras silang pinangitaay sa iyang anak human nga wala kini maka-abot sa ilang balay gikan sa duha ka higayong pag-apas sa kaniya sa simbahan.
Saysay pa niini, nag-practice sila og kanta niadtong Sabado sa alas-dos sa hapon alang sa ilang simba pagka-Dominggo dihang duha ka higayong mi-apas kaniya ang iyang anak kinsa nananghid kaniya nga mu-una og uli apan wala na maka-abot sa ilang panimalay.
Bisan asa na matud pa sila nangabot pagpangita niini hangtud nga nabantayan sa ilang pastora ang wala na’y tabon nga septic tank kilid sa panimalay ni Ben Bunghanoy diin nila napalgan ang bata nga wala na’y kinabuhi.
Aminado si Montano nga duna siya’y kasaypanan sa maong hitabo apan iya usab nga gibasol si Bunghanoy tungod sa wala pagbutang og lig-ong tabon sa bangag sa septic tank aron unta malikayan ang nahitabo sa iyang anak. ala’y duha-duha niyang gisaysay ning sibyahan nga duna siya’y aligutgot nga gibati kang Bunghanoy tungod sa maong sipyat.
Nasayrang sa pagpanubay ning sibyahan, gikoral na ang palibot sa septic tank ug gibabagan na usab og dakong punuan sa kahoy.
