BUTUAN CITY – Mas misaka pa ngadto sa 373 gikan sa 300 kagahapong adlawa, ang mga bag-ong kaso sa COVID-19 dinhi sa Caraga Region karong adlawa. Sa mga bag-ong kaso, 371 ang naka-isolate samtang unom ang bag-ong patay ug 156 ang mga bag-ong nakarekober.
Pinakadaghan gihapon ang natala sa Agusan del Sur nga mi-abot sa 132 nga gisundan sa 78 ka mga kaso sa Surigao del Sur; Butuan City-60; Agusan del Norte-33; Bayugan City-20; Surigao del Norte-17; Tandag City-9; Cabadbaran City-5; ug duha sa Surigao City.
Tungod niini, mi-abot na sa 29,016 ang cumulative COVID-18 cases ning rehiyon kondiin 2,751 ang naka-isolate; 25,336 ang hingpit nang nakarekober ug 939 na ang kinatibuk-ang patay.
Samtang sa mga bag-ong kaso usab dinhi sa dakbayan sa Butuan, nanguna ang Brgy. Libertad-18; unom sa Baan Km. 3; lima sa Brgy. Tandang Sora; upat sa Villa Kananga; tagtulo sa Doongan ug Bancasi; tagduha usab sa Sumilijon, San Ignacio, Bayanihan, Baan Riverside, Ambago, Tiniwisan, Tagabaca, Sikatuna, Pagatpatan, Maon, Manila de Bugabos, Kinamlutan, JP Rizal, Bonbon, Ampayon ug Agao.
