BUTUAN CITY – Giklaro ni May Diez, tigpamaba sa Butuan City government nga 33 lang sa 86 ka mga barangay ning siyudad ang gihangyo ni Mayor Ronnie Vicente Lagnada ngadto sa Regional Task Force on COVID-19 (RTF) One Caraga Shield nga ipa-ilalom sa modified enhanced community quarantine kon MECQ samtang i-GCQ usab ang nahabilin pang uban.
Kini tungod na usab sa padayong pagsaka sa COVID-19 cases ning siyudad nga mugna sa nanguling Caraganons nga stranded sa Cebu City, Metro Manila ug ubang bahin sa Luzon.
Sigon ni Diez, ang 33 ka mga barangays makita sa sentrong bahin ning siyudad o kasikbit pa diin anaa ang sentro sa paglihok sa mga tawo sama sa pagpamalit sa nag-unang panginahanglanon o kaha ang mayoriya sa dagan sa komersyo kondiin ang maong hangyo gipa-abot na ngadto sa IATF rason ng gihulat na lang nila ang mamahimong tubag niini.
Kung aprubahan sa IATF ang maong hangyo, wala’y angayang kabalak-an tungod kay dili na kini bag-o sa mga tawo ilabina nga ang mg aangayang buhaton, nahimo na man dihang gipa-ilalom sa modified ECQ ang siyudad niadtong Mayo 1 hangtud 15.
Ang mga business establishments usab maghulat una og mamahimong guidelines nga ipatuman alang kanila kansa posibleng duna usa’y ihatag nga mga konsiderasyon.
