BUTUAN CITY – Usa ka dako nga megatsunami ang namugna dihang ang usa ka bahin sa bukid sa Alaska nahugno ngadto sa dagat kansa mao ang ikaduhang labing taas nga natala rason nga nagpahinumdom ang mga siyentista sa mga risgo nga dala sa natunaw nga mga glaciers.
Madumdumang ning mi-aging ting-init, usa ka halapad nga balod ang misalibay sa usa ka hilit nga parte sa Tracy Arm Fjord sa habagatan-sidlakang Alaska ug nagbilin og kadaut sa likod niini kansa halos wala ma-report sa panahon nga nahitabo kini, apan ang bag-ong siyentipikong analisis nagpakita nga kini hinungdan sa usa ka dako nga landslide.
Dili katuohan nga 64 milyon ka cubic metres nga bato kansa bugti sa 24 ka dakong piramide ang nahulog ngadto sa tubig sa ubos nga bahin hinungdan nga sulod lang sa usa ka minuto, nakahimo og halapad nga balod nga halos 500 metros ang gitas-on.
Nahitabo kini sa sayong buntag rason nga ang mga barko sa turista nga nag-cruise, nakalikay sa kadaut.
