BUTUAN CITY – Mikalas og 32 ka mga tawo ang gilusad nga Israeli strikes sa Lebanon taliwa sa nagtunhay na nga ceasefire nga naghatag og kabalaka sa posibleng pagkalangay sa panaghinabi talisa Estados Unidos ug sa Iran nga gitinguha nga mapalig-on ang delikadong peace process.
Pila ka oras gikan karon, himuon ang follow-up talks tali sa Iran ug sa Estados Unidos kalabot sa memorandum of understanding (MOU) nga una nang gipirmahan ning mi-aging adlaw sa Burgenstock, Switzerland, base na sa pagkumpirma sa Pakistan’s foreign ministry.
Musalmot niini ang mga US ug Iranian representatives ka-uban ang mga mediators gikan sa Pakistan ug Qatar. Apan ang nagpadayong Israeli air raids ug drone attacks sa southern Lebanon, bisan pa man sa bag-ong ceasefire tali sa Israel ug sa Hezbollah nga suportado sa Iran nga nagsugod niadtong Biernes, naka-complicate sa giplanuhang panaghinabing pangkalinaw.
