BUTUAN CITY – Tulo ka mga overseas Filipino workers kon OFWs ang angol sa gilusad nga drone strike sa Kuwait International Airport. Sigon sa Department of Migrant Workers kon DMW, duha sa mga na-angol nakalanghab og aso samtang ang usa naka-angkon og dakong samad sa iyang kamot ug ulo nga kinahanglan pang tahion.
Usa ka Indian naitonal usab ang namatay samtang laing 63 ang na-angol sa maong insidente.
Sigon ni DMW Secretary Hans Leo Cacdac, padayon nilang gi-monitor ang sitwasyon sa maong mga OFWs dayong tambag sa tanang OFWs sa maong nasud nga magpabilin sa ilang pinuy-anan ug likayan ang pagbiyahe kung dili kinahanglanon.
Nasayrang nadamyos og dako ang maong tugpahanan rason sa temporaryong paghunong sa operasyon niini human na-igo sa mga gitirang drones ug missiles.
Gibasol sa kagamhanan sa Kuwait ang Iran sa maong pag-atake human ang opensiba sa US military samtang gipanghimakak sa Iran nga target nila ang airport dayong butyag nga ang nahitabo mugna sa napalpak nga US-made patriot missile system.
