BUTUAN CITY- Angol ang tulo ka overseas Filipino worker kon OFW sa nahitabong drone strike sa Kuwait International Airport.
Lakip ang tulo ka OFW sa kapin 60 ka-tao nga na-angol tungod sa insidente nga nahitabo niadtong Hunyo 3.
Mingresulta sa grabeng pagkaguba sa mga building sa Airport ang nahitabong airstrike.
Sumala sa Department of Migrant Workers (DMW) nga duha sa tulo ka OFW ang natambalan na samtang ang usa gikinahanglan pang tahi-on ang iyang mga samad nga na-angkon niini sa kamot ug ulo.
Sigon usab ni DMW Secretary Hans Leo Cacdac nga gibista na sa Migrant Workers Office ang mga na-angol nga OFW kung asa ang mga nakagawas na usab sa balay-tambalanan
Hugot usab nila nga gibantayan ang kataposang panghitabo sa nasangpit nga nasud.
Giplastar na usab nila ang pagpa-uli sa mga apektadong OFW.
Una nang gilimod sa Iran nga sila ang anaa likod sa pag-atake kung asa ang US interceptor missiles ang nasayuop pag-igo niini nga mingdiresto sa airport.
