-- ADVERTISEMENT --
BUTUAN CITY – Ang lungsod sa Loreto, Agusan del Sur maoy regional ceremonial site sa Office of the Civil Defense kon OCD-Caraga alang sa 2nd quarter Nationwide Simultaneous Earthquake Drill kon NSED nga himuon unyang alas-dos sa hapon.
Sa eksklusibong pakighinabi sa Bombo Radyo Butuan, gibutyag ni Ronald Anthony Briol, tigpamaba sa maong buhatan, dinhi sa Caraga Region, nga isip pagpangandam, ning mi-aging adlaw pa lang, naghimo na sila og mock drilll sa ground sa municipal hall sa maong lungsod gawas pa sa sunod-sunod nga mga trainings ug ubang mga kalihukan.
Atol unya sa drill, masulayan ang kapasidad sa local government unit higayong duna’y matigayong linog sa ingon mas ma-enhance ang condition response sa matag-usa.
