BUTUAN CITY- Gitawag ni Catholic Bishops Conference of the Philippines kon CBCP Episcopal Commission on Interreligious Dialogue chair, Bishop Jose Colin Bagaforo isip ‘test of accountability’ ang impeachment case batok kang Vice President Sara Duterte.
Sumala sa obispo sa Kidapawan, dili kini ma-ila nga political persecution, kundi usa ka prosesong konstitusyonal kansa nagtumong nga masiguro ang tulobagon sa mga tag-as nga opisyal sa panggamhanan sa publiko.
Sigon ni Bagaforo, nga dili kini angayang kahadlokan tungod lakip niini ang ‘due process’ kansa nag-ila sa katungod sa impeachable officials.
Pangutana pa sa obispo, nga nganong kahadlokan ang due process. Kung inosente ang usa indibidwal matud niini, paniguradong mas moli-on pa ang iyang pagka-inosente pinaagi sa legal process.
Dugang pa sa Catholic leader, kinahanglang ilhon ni VP Sara ang impeachment process isip usa ka oportunidad aron limpyohon ang iyang pangalan.
Pahimangno niini, nga ang pagsupak sa tulubagon paniguradong mas makapahuyang pa sa pagsalig sa publiko sa gobyerno, hilabi na sa Pilipinas, kansa dugay nang nagproblema sa korapsyon.
Panahon nga gidudahan sa mga katawhan ang integridad sa mga public institution, matud sa obispo, dili dapat exempted ang mga highest official sa nasud sa accountability.
Sa kataposan, gihatagan og ginbug-aton sa obispo ang panginahanglang masusi ang mga ebidensya ug mopatigbabaw ug mogawas ang kamatuoran.
