BUTUAN CITY – Padayong nadungagan og taas nga kaso sa COVID-19 ang Caraga Region.
Sa pinaka-ulahing datos sa DOH Center for Health Development- Caraga, 224 ka mga bag-ong kaso ang nadugang sa rehiyon samtang usa ang patay.
Kini na ang ikatulong sunod-sunod nga adlaw nga nakatala og kapin sa 200 ka mga bag-ong kaso sa virus ang rehiyon kondiin sa 224 ka mga bag-ong kaso nadungang, pinakadaghan ang gikan sa Agusan del Sur nga dunay 65 ka mga kaso, gisundan kini sa 50 ka mga kaso sa Butuan City, samtang 26 ka kaso sa Surigao del Sur, 22 sa probinsya sa Dinagat Islands ug 21 sa Bislig City.
Mitala usab og 10 ka mga kaso ang Surigao del Norte; 9 sa Surigao City; 8 sa Agusan del Norte; 6 sa Bayugan City; 5 sa Cabadbaran City ug dunay 2 sa Tandag City. Sa kasamtangan, miabot na sa 12,748 ang kinatibuk-ang kaso ning rehiyon kondiin 2,019 pa ang pabiling naka isolate human nga 10,326 na ang mga nakarekober ug miabot na sa 403 ang natalang patay tungod sa covid-19.
Alayon sa padayong pagsaka sa ihap sa kaso nga natala sa rehiyon, nanawagan ang buhatan sa DOH-Caraga ngadto sa katawhan nga i-suspendso na lang una ang mga non-essential travel ug siguraduhong nakatuman sa mga istriktong tamdanan sa minimum public health standards aron mabatukan ang pagsaka pa sa ihap sa mga mataptan sa maong virus.
