BUTUAN CITY – Pormal nang gibuksan kaganinang buntag sa Department of Science and Technology kon DOST-Caraga ang 2024 Regional Science, Technology, and Innovation Week kon RSTW nga mulungtad hangtud sa Hunyo 9.
Sigon ni DOST-Caraga Regional Director Noel Ajoc, gipangunahan kini nila DOST Undersecretary for Regional Operation Dr. Sancho Maburang, Assistant Secretaries Dr. Napoleon Ramillo ug Rod Calzado.
Sa eksklusibong pakighinabi sa Bombo Radyo Butuan, gibutyag sa opisyal nga tumong niini ang pagpakita sa research and technology output kansa pwedeng magamit ug gihimo dinhi sa rehiyon ug ubang regional centers ug muhaum ning rehiyon.
Anaa usab ang pag-showcase nila sa mga bag-ong pagkaon nga mahimong inegosyo ilabina kadtong gigamitan og science-based innovation.Kini tungod kay sa agricultural output, duna’y value adding ilabina nga sa tibuok nasud, ang Caraga Region maoy duna’y pinakadaghang Food Innovation Centers.
Mahimong highlight usab sa ilang kalihukan ang fashion show gamit ang mga bamboo textiles, abaca ug pinya.Duna pa usab sila’y i-showcase nga mga teknolohiya kalabot sa kahoy ug uban pang mga output.
Kini nga mga kalihukan, naha-um sa ilang tema sa kasa-ulugan ning tuiga.
