BUTUAN CITY -Nagmalampuson ang pagpatuman sa search warrant sa kapulisan pasado alas 7:16 kagabii sa may Purok-5, Mangga Village, Barangay Bancasi ning siyudad sa Butuan human nadakpan ang duha ka mga gikonsiderang High Value Individuals isip mga tigpayuhot ug gumagamit sa ilegal nga drugas.
Nailhan ang mga suspetsado nga sila Christopher Nono Azote alyas Bobong, 53-anyos nga kanhI miyembro sa Bureau of fire Protection kon BFP-Butuan Ug Jose Dorola Levy alyas Botoy o Butz, 50-anyos nga kanhe nang subject sa buy-bust operation apan naka-ikyas, parehong residente sa maong dapit.
Nakuha gikan sa ilang posisyon ang upat ka sachets sa gitu-uhang shabu nga gibana-banang mitimbang og 6 gramos ug mikantidad sa 40-mil, 800 pesos, usa ka digital weighing scale ug nagkadaiyang drug paraphernalia.
Gihimo ang operation sa ginsakpan sa City Drugs Enforcement Unit sa Butuan City Police Office, kauban ang Butuan City Police Station-3, SWAT, og Philippine Drug Enforcement Agency kon PDEA bitbit ang search warrant tungod sa kalapasan sa Section 11 og 12 Article 2 sa RA 9165.
Sa kasamtangan, gikustudiya na sa Butuan City Police Station-3 ang mga naaresto alang sa tukmang disposasyon.
