BUTUAN CITY – Giproseso na sa mag-live in partner nga mga membro sa communist terrorist group ang mga papeles nga gikinahanglan aron ilang ma-avail ang Enhanced Comprehensive Local Integration Program (E-CLIP) human ang ilang pagtahan ngadto sa mga otoridad.
Naila ang mga nanurender nga sila alyas Renan/Gander/Nicor/Kiro, 32-anyos, residente sa Brgy. Maraiging, Jabonga, Agusan del Norte ug Vice Commanding Officer sa Regional Sentro de Grabidad (RSDG) ubos sa North Eastern Mindanao Regional Committee (NEMRC) uban sa iyang live-in partner nga si alyas Kiara, 29-anyos, residente sa susamang lugar ug maoy medic sa Regional Sentro de Grabidad (RSDG) sa susamang Regional Committee.
Sigon ni PRO-13 regional information officer PMajor Dorothy Tumulak, nalista sila ubos sa 4th Quarter 2020 Periodic Status Report (PSR) ug mibiya sa rebolusyunaryong kalihukan niadto lang Enero ning tuiga bitbit ang ilang tagsa-tagsa ka mga M14 rifles nga duna’y mga buhing bala.
Nagdesisyon silang musurender aron maka-uban ang ilang mga pamilya ug magpakabuhing normal kansa dili nila makab-ot kung magpabilin sila sa walhong kalihukan. Gisuta pa usab kung duna ba sila’y kasong gi-atubang.
