BUTUAN CITY – Duha ka tawo ang naigo sa pagpamusil sa engkwentro uban sa Secret Service duol sa White House duol sa kanto sa Pennsylvania Avenue ug 17th Street Northwest.
Sumala spa, mitubag ang mga sakop sa uniformed division sa Secret Service human makadawat og report nga adunay tawo nga miduol sa checkpoint sa Secret Service sa 17th Street ug Pennsylvania Avenue NW kondiin samtang miduol siya, iyang gikuha ang armas gikan sa bag ug nagsugod og pamusil sa mga opisyal.
Mitubag og pusil ang mga pulis sa Secret Service ug naigo ang suspek, nga nadala sa ospital ug namatay.
Sa dihang nahitabo ang pagpamusil, usa ka bystander usab ang naigo sa bala ug wala pa’y klaro kung gikan ba sa suspek o sa exchange of fire ang naka-igo sa bystander.
Wala’y na-angol nga personnel sa Secret Service ug nasayran nga anaa sa White House si President Donald Trump atol sa insidente apan wala maapektuhan ug padayon karon ang imbestigasyon.
Nakabati ang mga reporter og daghang pagpamusil duol sa White House, hinungdan sa lockdown ug paspas nga aksyon sa Secret Service samtang ang mga sakop sa press corps sa North Lawn gipadagan ngadto sa briefing room sa White House ug gisugo nga magtago.
