BUTUAN CITY – Mukabat sa 18-mil ka mga healthcare frontliners ning rehiyon sa Caraga ang matupukan sa nangabot nga 36-mil doses sa Sinovac vaccines nga nangabot kaganina sulod sa 30 ka mga boxes.
Sa press briefing kaganina pag-abot sa ikatulong batch na sa COVID-19 alang sa Caraga, gibutyag ni Department of Health kon DOH-Caraga assistant regional director Sadaila Raki-in nga ang rehiyon, duna’y target nga 53,362 ka mga frontline health workers nga tupukan ug sa pagkakaron, 19,270 pa lang ang natupukan.
Kung mahurot og tupok ang target karon nga 18-mil ka mga healthcare frontliners, mu-abot unya sa 98.7-porsento ang matupukan ug dul-an 200-doses na lang dayon ang kinahanglanon sa Caraga aron matibawas pagtupuk sa mahabilin unyang kapin sa uno-porsiento.
