BUTUAN CITY – Gianunsyo sa Department of Energy (DOE) nga miabot na ang katibuk-ang 178 milyones ka litro sa diesel isip kabahin sa lakang sa gobyerno aron palig-onon ang suplay sa lana taliwa sa nag-padayon nga giyera sa Middle East.
Sumala sa DOE, ang ulahing shipment ang nagkumpleto sa upat ka kargamento sa ilalom sa Executive Order No. 110 nga gipagawas ni Pang. Ferdinand Marcos Jr. aron protektahan ang ekonomiya batuk sa pausab-usab nga presyo sa lana sa pangkalibutanong merkado.
Sigon ni Energy Secretary Sharon Garin nga ang malampusong delivery, nga giatiman sa Philippine National Oil Company-Exploration Corporation (PNOC-EC), pamatood sa dinaliang aksyon sa gobyerno aron maseguro ang igong suplay sa fuel sa nasud.
Ipanghatag ang mga shipment sa mga nag-unang hub sa Batangas, Subic, ug Davao aron makabaton og igong suplay ang nagkadaiyang parte sa nasud.
Gitumbok pa sa DOE nga importante ang maong reserban aron maseguro ang padayon nga operasyon sa transportasyon, logistics, ug agrikultura.
